مشاهدة النسخة كاملة : أصـــــعـــــــب ســــــــؤال


كحل اسود
03-05-2009, 05:10 AM
قصيدة للشاعر محمد بن جارالله السهلـي أعجبتني وحبيت انقلها لكم عسى ان تحوز على رضاكم وأعجابكم


( اصعب سؤال ) اللي جوابه للأسف مثله ( سؤال ) !!

...................... ما هو تفلسف !! الا موقف صار واسمع " ثاني بيت" :

البارحه يومه سأل : ( وش ذكرك ذيك الليال ؟ )

.................. كان الجواب بكل بساطه : ( من متى اصلا نسيت ؟ )

ادري بان جمع ( الصعوبه والبساطه ) شي محال !!

.................. لكنها صارت كذا ! واللي (( اهم)) اني دريت :

ان الحياه فبعد احبابك اذا جف الوصال

................. اتعيشها لو تقتنع انك خلااص اصبحت ( ميت !!)

يا صاحبي لو كل شي يمر بالخاطر يقال

................. ما كانت العبره تــــولجني اليامنك طريت ؟!

شفني قدرت احبس دموعي بس ( دمع القاف ) سال

...................... ويا كبرها ساكت ولكن داخل اوراقي بكيت !!

عمر الحكي ما كان دافي لاابتدى بقولة تعال

.................... لجل اتجاهل رجفة حروفي اليامني حكيت ..

الحال في بعدك قسم بالله ما اسميه حال

............... انوي على الضحكه واحس كلي خطا لاني نويت ؟!

اتصور انك من رحلت اشوفك لجسمي ظلال

.................... لا شفته امشي ببتعد واثره معي مهما مشيت !!

مدام يعني في بحرك لفرحتي مليون جال

............... وش فيه موجك ما ركد ؟ قربت اموووت وما رسيت ..

يرضيك ما عادت معي تفرق اذا جالك مجال

.................. لاني اقتنعت انك نهايه واني ببطي ما بديت !!

صرت ( اعقد حجاجي ) اذا جابوك باطراف الجدال

...................... وانا قبل لاقالوا اسمك كني : ميت ثم حييت ..

تعبت اعيش الدور وافتح للمعاذير الخيال

................... واتخيل اني جيت في بالك وبانك استحيت ..

وتردلي كلك (( وله )) وتقول : ( كن البعد طال ؟ )

............... ومن الفرح ما عاتبك واقول : ( ياخي مابغيت ! )

حتى وانا تخيل حشمتك ! لن قلبي لا يزال

................. يكرر اسمك داخل اعماقي بنبضه لا سهيت ..

قلي شسوي فيك ؟ وانت بداخلي اصدق مثال

............... للحب واحساس القصيد ان عانق الليل وسريت ..

ربي يصبرني على الفرقا مدام الحظ مال

............... وانت بيجيلك يوم تعرف ليه في بعدك شكيت ..

واذا بلاك الله وعذبك اشتياقك (( بس تعال ))

.............. واقرى القصايد في غيابك كلبوها بيـــت ... بيـــت ..

بتدرى ان ( اصعب سؤال ) اللي يجي رده ( سؤال )

................ لا قلتلي ( وش ذكرك ؟ ) ثم قلتلك ( متى نسيت ؟ )

الغريب1984
03-05-2009, 05:53 AM
هلا بلي معطرة المندتى بعبق الكلام هلا بالكحل الاسود يلي نزين فيه عيون الجمال
هلا بيكي كل مواضيعك تنال عند الاعطاء الفخر والاهتمام ولكي مني احلى تحية وسلام

الخطيب
03-05-2009, 09:29 AM
كحل اسود

قصيدة رائعة ............. أمنياتي الطيبة لك

انتي فايرس
03-05-2009, 04:16 PM
[فقط الأعضاء المسجلين والمفعلين يمكنهم رؤية الوصلات]

هلا وغلا

بكحل المنتدى عدد ما خطته الأقلام من حروف

وبعدد ما أزهر بالأرض زهور

مرحبا ممزوجة .. بعطر الورد .. ورائحة البخور



اهداء الى بنت الدوحه كحل أسود

بنت الدوحه رقــه وحده ***** ليناظرت شامخ تهده


[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

[فقط الأعضاء المسجلين والمفعلين يمكنهم رؤية الوصلات]

روج احمر
03-05-2009, 05:17 PM
هلا ببنت بلادي ×× كــحــل××

اتمنى لج راحة البال ، والسعاده


ومـشكوووره على القصيده الحلوووه

كحل اسود
03-08-2009, 05:12 AM
اسعـــدتني ردودكــــم الرائـــعة وتجاوبكـــم الجمـــيل مــــع القصـــيده


وتمنـــياتي لكـــم جميـــعا بالسعـــاده يارائعـــين :)